The news is by your side.

Advertisement

کورونا وائرس؛ پی سی بی کا اہم اقدام

کراچی: پی سی بی نے کراچی ہائی پرفارمنس سنٹر کو پیرا میڈیکل اسٹاف کے لیے عارضی قیام گاہ میں بدل دیا۔

پاکستان کرکٹ بورڈ نے سندھ حکومت کی درخواست پر حنیف محمد ہائی پرفارمنس سنٹر کراچی کو پیرا میڈیکل اسٹاف کے لیے عارضی قیام گاہ بنادیا ہے جہاں ایکسپو سنٹر کراچی میں قائم عارضی اسپتال میں ذمہ داریاں نبھانے والا پیرا میڈیکل اسٹاف قیام کرے گا۔

پاکستان کرکٹ بورڈ کے چیف آپریٹنگ آفیسر سلمان نصیر کا کہنا ہے کہ اس مشکل صورتحال میں اپنے فرائض منصبی ادا کرنے والے پیرا میڈیکل اسٹاف ہمارے ہیروز ہیں، اس شعبہ میں شامل تمام افراد اپنی جان جوکھوں میں ڈال کر کورونا وائرس کے مرض میں مبتلا شہریوں کی دیکھ بھال کررہے ہیں۔

سلمان نصیر کا کہنا ہے کہ پی سی بی ان گمنام ہیروز کو خراج تحسین پیش کرتا ہے۔

انہوں نے کہا کہ پی سی بی ایک ذمہ دار ادارے کی حیثیت سے اپنے اسٹیٹ آف دی آرٹ حنیف محمدہائی پرفارمنس سنٹر کراچی کو عارضی قیام گاہ میں بدل رہا ہے تاکہ ایکسپو سنٹر کراچی میں قائم عارضی ہسپتال میں ذمہ داریاں نبھانے والاپیرا میڈیکل اسٹاف مزید جاں فشانی کے ساتھ فرائض انجام دے سکے۔

fb-share-icon0
Tweet 20

Comments

comments

یہ بھی پڑھیں