لاہور: پاکستان کرکٹ بورڈ نے آئی سی سی سے پاک بھارت میچ کی ہونے والی آمدنی سے زیادہ حصہ مانگ لیا۔
پاکستان نے آئی سی سی سے مطالبہ کیا ہے کہ پاک بھارت میچ سے ہونے والی آمدنی میں پاکستان کا حصہ بڑھایا جائے۔
پی سی بی کے مطابق انٹرنیشنل ایونٹس میں پاک بھارت میچ سے آئی سی سی کو بھاری آمدنی ہوتی ہے۔ ملک میں کرکٹ نہیں جس کے باعث بورڈ کے حالات ٹھیک نہیں ایسے میں پاکستان کو زیادہ حصہ ملنا چاہیئے۔
پی سی بی کا کہنا ہے کہ آئی سی سی بھی اس بات کو تسلیم کر چکی ہے کہ وہ بڑے ٹورنامنٹس میں پاک بھارت میچ اس لیے کرواتی ہے کہ انہیں زیادہ آمدنی حاصل ہو۔ 2009 سے ملک میں کرکٹ نہ ہونے کی وجہ سے پاکستان کو 100 ملین ڈالرز سے زائد کا نقصان ہوچکا ہے۔
پاکستان اس سے قبل ملک میں بین الاقوامی کرکٹ نہ ہونے کے باعث بھاری مالی نقصانات کے پیش نظر آئی سی سی سے خصوصی فنڈز کی درخواست بھی کرچکا ہے۔
