روالپنڈی: کرکٹ کے شائقین کے لیے خوش خبری ہے کہ پاکستان کرکٹ بورڈ (پی سی بی) نے ڈومیسٹک سیزن 23-2022 کا کیلنڈر جاری کر دیا ہے۔
تفصیلات کے مطابق پی سی بی نے رواں اور آئندہ برس کے سینئر کرکٹ سیزن کے لیے کیلنڈر جاری کر دیا، سینئر کرکٹ سیزن کا آغاز 33 میچز پر مشتمل نیشنل ٹی ٹوئنٹی کپ سے ہوگا۔
نیشنل ٹی ٹوئنٹی کپ ٹورنامنٹ کے میچز راولپنڈی اور ملتان میں کھیلے جائیں گے، یہ ٹورنامنٹ 30 اگست سے 19 ستمبر کے درمیان راولپنڈی اور ملتان میں کھیلا جائے گا۔
کرکٹ ایسوسی ایشنز ٹی ٹوئنٹی 2 تا 15 ستمبر کوئٹہ میں کھیلا جائے گا، قائد اعظم ٹرافی 27 ستمبر تا 30 نومبر ایبٹ آباد، اسلام آباد، راولپنڈی اور کراچی میں کھیلا جائے گا۔
📢 PCB unveils 2022-23 men’s domestic cricket season schedule 📢
More details ➡️ https://t.co/FQwF8VHBGq#HarHaalMainCricket pic.twitter.com/Ih3gUppGWL
— Pakistan Cricket (@TheRealPCB) July 26, 2022
کرکٹ ایسوسی ایشنز چیمپئن شپ 27 ستمبر تا 23 نومبر ایبٹ آباد، اسلام آباد، راولپنڈی اور کراچی میں کھیلا جائے گا۔
پاکستان کپ 10 دسمبرتا 3 جنوری کراچی میں کھیلا جائے گا، جب کہ کرکٹ ایسوسی ایشنز چیلنج 10 تا 29 دسمبر کراچی میں کھیلا جائے گا۔
