آکلینڈ: قومی ٹیم کا حوصلہ بڑھانے کے لیے پاکستان کرکٹ بورڈ (پی سی بی) نے ننھے فینز کی انوکھی ویڈیو جاری کردی۔
پاکستان کرکٹ بورڈ کی جانب سے جاری ہونے والی ویڈیو میں قومی کرکٹ ٹیم کے ننھے مداح اپنی ٹیم کی کامیابی کے لیے دعا گو ہیں۔ ننھے فینز نے اس امید کا اظہار کیا کہ ’پاکستانی ٹیم نے پہلے بھی نیوزی لینڈ میں میچز جیسے اور انشاء اللہ اس بار بھی جیتیں گے‘۔
واضح رہے کہ دورہ نیوزی لینڈ کے لئے جانے والی پاکستان کرکٹ ٹیم کے دس ارکان کے کرونا ٹیسٹ مثبت آئے تھے، دورہ نیوزی لینڈ میں ٹریننگ سے قبل پاکستان کرکٹ اسکواڈ کی چار بار کووڈ 19 ٹیسٹنگ کی گئی، نیوزی لینڈ وزارت صحت کا کہنا تھا کہ کرونا میں مبتلا 10 ارکان کے دوبارہ ٹیسٹ نہیں ہوئے۔
Behind you, boys!#HarHaalMainCricket #BackTheBoysInGreen pic.twitter.com/J5OaHh6Vwg
— Pakistan Cricket (@TheRealPCB) December 11, 2020
بعد ازاں قومی ٹیم کے کھلاڑیوں نے چودہ دن تک خود کو قرنطینہ میں رکھا جس کے بعد انہیں پریکٹس کی اجازت ملی ہے۔
پاکستانی شاہین 14 دسمبر کو کوئنز ٹاؤن سے وانگرائے روانہ ہوگی، بعد ازاں دونوں ٹیموں کے درمیان چار روزہ ون ڈے میچز کھیلے جائیں گے جن کا آغاز 17 دسمبر سے ہوگا۔
