ممبر پی سی بی مینجمنٹ کمیٹی ذوالفقار ملک نے کہا ہے کہ کرکٹ کا نقصان کیا جارہا ہے آج جو ہوا اس سے کرکٹ کی بدنامی ہورہی ہے۔
پی سی بی اجلاس سے متعلق بیان میں انہوں نے کہا کہ پوری دنیا میں پی سی بی کا اب مزاق بن چکا ہے جو کام کررہا ہے اسکی ٹانگ کیوں کھینچی جارہی ہے۔
ممبر نے کہا کہ انگلینڈ اور آسٹریلیا میں جاکر زکا اشرف نے معاہدہ کیے اور غیر ملکی کھلاڑیوں نے پاکستان میں آکر ٹی 10 کھیلنا تھی لیکن اب یہ سب کرکے کیا پیغام دینے کی کوشش کررہے ہیں، میں اس اقدام کی شدید مزمت کرتا ہوں۔
ان کا کہنا تھا کہ ہم سب کرکٹ کی بہتری امید رکھتے ہیں مینجمنٹ کمیٹی جس مقصد کیلئے بنائی گئی وہ ہمیں کام نہیں کرنے دے رہے جنھوں نے اجلاس ملتوی کرایا وہ تمام صورتحال کے جواب دے ہیں ایسا لگ رہا ہے زکا اشرف کے ہاتھ باندھ کر سوئمنگ پول میں پھینک دیا گیا ہے۔
ممبر نے کہا کہ بہت سے کام پائپ لائن میں شامل تھے پی ایس ایل سمیت کئی معاملات پر بات چیت ہونا تھی، شائقین زیادہ سے زیادہ کرکٹ کو دیکھنا چاہتے ہیں۔
