پاکستان کرکٹ بورڈ کو غلطی کا احساس ہو گیا جس کے بعد کرکٹ ہسٹری کا نیا پرومو جاری کردیا گیا۔
پاکستان کرکٹ بورڈ نے نئے پرومو میں چیئر مین پی ٹی آئی کی ویڈیو اور تصاویر لگا کر اسے جاری کیا گیا ہے، اس نئے پرومو میں پاکستان ویمن ٹیم کی ایشین گیمز میں جیت کا بھی ذکر شامل ہے۔
اس کے علاوہ ندا ڈار کے 100 وکٹوں کا ریکارڈ اور مصباح الحق کا ٹیسٹ میس اٹھانا بھی نئی وڈیو میں شامل کرلیا گیا ہے۔
The PCB has launched a promotional campaign leading up to the CWC 2023. One of the videos was uploaded on 14th August 2023. Due to its length, the video was abridged and some important clips were missing. This has been rectified in the complete version of the video ⤵️ pic.twitter.com/Rz2OBDyI9i
— Pakistan Cricket (@TheRealPCB) August 16, 2023
واضح رہے کہ پی سی بی کی جانب سے 14 اگست کو سوشل میڈیا پر ایک ویڈیو شیئر کی گئی تھی جس میں 1952 سے لے کر موجودہ وقت تک کے کرکٹ سے متعلق تاریخی اور یادگار واقعات کے مناظر دکھائے گئے۔
لیکن اس پوری ویڈیو میں 1992 میں پاکستان کے لیے واحد کرکٹ ورلڈ کپ جیتنے والے کپتان ہی غائب تھے جس پر صارفین نے پی سی بی کو آڑے ہاتھوں لیا تھا۔
مداحوں نے ٹیسٹ چیمپئن شپ اور ویمن ٹیم کی فتوحات نہ دکھانے پر بھی پی سی بی پر تنقید کی تھی۔
