پاکستان کرکٹ ٹیم کے سابق کپتان انضمام الحق نے کہا ہے کہ پاکستان کرکٹ بورڈ کی پالیسی اچھی ہے تو اس سے کرکٹ کو فائدہ ہوگا۔
اے آر وائی نیوز کے مطابق قومی ٹیم کے سابق کپتان انضمام الحق کا کہنا ہے کہ پاکستان کرکٹ بورڈ کی پالیسی اچھی ہے تو یہ کرکٹ کے لیے فائدہ مند ہوگا، جونیئر لیگ سے بھی نوجوان ٹیلنٹ سامنے آیا ہے۔
اپنے دور کے عظیم بلے باز نے بورڈ کو مشورہ دیتے ہوئے کہا کہ کوئی اچھا کھلاڑی مل جائے تو اسے پی سی بی اکیڈمی میں ٹریننگ دے۔
ماضی میں چیف سلیکٹر کے عہدے پر فائز رہنے والے سابق پلیئر کے مطابق ٹی 20 کرکٹ کی وجہ سے اسپنر کی کارکردگی میں فرق آیا ہے، اسپنر مل رہے ہیں لیکن ورلڈ کلاس نہیں مل رہے۔
انضمام الحق کا کہنا تھا کہ ثقلین مشتاق، یاسر شاہ اور دانش کنیریا جیسے اسپنرز نہیں آرہے ہیں، جب بورڈ کے مینجمنٹ کی تشکیل ہوجائے گی تو کرکٹرز بھی آئیں گے۔
