اسلام آباد: پاکستان کرکٹ بورڈ نے کرونا وائرس کے خدشات کے پیش نظر بنگلادیش کا دورہ پاکستان ملتوی کر دیا ہے۔
تفصیلات کے مطابق بنگلا دیش ٹیم کو پاکستان میں ایک ون ڈے اور ایک ٹیسٹ میچ کھیلنا تھا تاہم پی سی بی نے کرونا وائرس کے خدشے کے پیش نظر یہ دورہ ملتوی کر دیا ہے۔
خیال رہے کہ سیریز کا پہلا ٹیسٹ میچ 7 تا 10 فروری راولپنڈی میں کھیلا گیا تھا جس میں پاکستان نے ایک اننگز اور 44 رنز سے کامیابی حاصل کی تھی، بنگلا دیش کرکٹ ٹیم کو پاکستان کے خلاف سیریز کے دوسرے مرحلے میں شرکت کے لیے 29 مارچ کو کراچی پہنچنا تھا۔
پی ایس ایل فائیو کے سیمی فائنل میچز کل لاہور میں ہوں گے
پہلے مرحلے میں دونوں ٹیموں کے مابین 3 ٹی ٹوینٹی میچز پر مشتمل سیریز میں پاکستان نے مہمان ٹیم کو وائٹ واش کیا تھا۔ ٹیموں کے درمیان واحد ون ڈے میچ یکم اپریل جب کہ 2 میچز پر مشتمل سیریز کا دوسرا ٹیسٹ میچ 5 اپریل سے شیڈول تھا۔
Karachi ODI, Test and Pakistan Cup postponedhttps://t.co/TSuInMXEP2 pic.twitter.com/vIF6fztTYp
— PCB Media (@TheRealPCBMedia) March 16, 2020
پاکستان کرکٹ بورڈ نے 25 مارچ سے شروع ہونے والا پاکستان ایک روزہ کپ بھی غیرمعینہ مدت تک کے لیے ملتوی کر دیا ہے۔ ادھر کرونا وائرس کی وجہ سے پاکستان سپر لیگ کے میچز میں کراؤڈ کی پابندی لگا دی گئی ہے، تاہم میچز شیڈول کے مطابق ہو رہے ہیں، اور دونوں سیمی فائنل کل لاہور میں کھیلے جائیں گے۔
