پاکستان کرکٹ بورڈ (پی سی بی) نے پی ایس ایل 2026 میں مزید دو ٹیمیں شامل کرنے کا منصوبہ بنالیا ہے۔
لاہور میں پی سی بی اور پی ایس ایل فرنچائز مالکان کا اجلاس ہوا جس میں پی ایس ایل 2025 کی ونڈو سے متعلق تبادلہ خیال کیا گیا۔
اجلاس میں ہرفرنچائزکے ایک ایک کھلاڑی کو براہ راست سائن کرنے کے آپشن پربھی تبادلہ خیال کیا گیا۔
اجلاس میں بتایا گیا کہ پی سی بی پشاور اورکوئٹہ کو پی ایس ایل کے ممکنہ وینیوز کے طور پرغور کرے گا، ان دونوں شہروں کا ماحول سازگاراور معاون ہونے سے مشروط ہوگا۔
اس موقع پر پی سی بی حکام کا کہنا تھا کہ پی ایس ایل2026 میں مزید 2 ٹیمیں شامل کرنے کا منصوبہ ہے۔ پی ایس ایل اورآئی پی ایل کے اپریل، مئی کی ایک ساتھ ونڈوز میں کھلاڑیوں اور شائقین کو فائدہ ہوگا۔
واضح رہے کہ پی ایس ایل میں 6 میں ٹیمیں شرکت کرتی ہیں اگر مزید دو ٹیمیں شامل کرلی جاتی ہیں تو ٹیموں کی تعداد 8 ہوجائے گی۔
View this post on Instagram
