The news is by your side.

Advertisement

پی سی بی نے کھلاڑیوں کوغیرضروری طورپرباہرنکلنے سے روک دیا

لاہور: پی سی بی نے ہراسگی کے واقعات پیش آنے کے بعد کھلاڑیوں کو غیرضروری طور پرباہر نکلنے سے اجتناب برتنے کی ہدایت کردی۔

تفصیلات کے مطابق پاکستان کرکٹ بورڈ نے ہراسگی کے واقعات پیش آنے کے بعد کھلاڑیوں کو غیر ضروری طور پر باہر نکلنے سے روک دیا۔ پی سی بی نے ہدایت کی ہے کہ اگر کسی کھلاڑی کا باہر نکلنا ضروری ہے تو سیکیورٹی اہلکاروں کے ہمراہ نکلیں۔

ترجمان پی سی بی نے ہراسگی کے واقعات ٔپرپریشانی کا اظہار کرتے ہوئے کہا کہ اس طرح کے واقعات کسی منصوبہ بندی کے تحت ہو رہے ہیں۔

خیال رہے کہ پاکستان کرکٹ ٹیم کو گزشتہ میچ میں بھارت سے شکست ہوئی تھی جس کے بعد کھلاڑیوں کو شدید تنقید کا نشانہ بنایا جا رہا ہے۔

قومی کرکٹ ٹیم کے کھلاڑی جہاں جاتے ہیں انہیں چند لوگوں کی جانب سے ہراساں کیا جا رہا ہے جس کی وجہ سے کھلاڑی بھی بہت پریشر کا شکار ہیں۔

یاد رہے کہ گزشتہ روز سوشل میڈیا پر ایک ویڈیو وائرل ہوئی تھی جس میں ایک شخص مقامی ہوٹل میں پاکستان ٹیم کے کپتان سرفراز احمد کو ہراساں کر رہا تھا۔

سرفراز احمد اپنے بیٹے کو اٹھائے جا رہے تھے کہ ایک شخص نے قومی ٹیم کے کپتان پر ذاتی حملے کرتے ہوئے نامناسب زبان کا استعمال کی۔

Comments

comments

یہ بھی پڑھیں