site
stats
کھیل

پی سی بی نے محمد حفیظ کا بالنگ ایکشن درست کرانے کی ذمہ داری اٹھالی

hafeez

لاہور: پی سی بی نے محمد حفیظ کا غیر قانونی بالنگ ایکشن درست کرانے کے لیے ذمہ داری ادا کرنے کا فیصلہ کرلیا، چار رکنی ریویو کمیٹی قائم کردی گئی۔

تفصیلات کے مطابق قومی ٹیم کے سینئر کھلاڑی محمد حفیظ کے بالنگ ایکشن درست کرانے کے لیے پی سی بی نے احسن رضا، علی ضیا، سلیم جعفر، سجاد اکبر پر مشتمل چار رکنی ریویو کمیٹی قائم کردی ہے۔

پاکستان کرکٹ بورڈ نے محمد حفیظ کا غیر قانونی بالنگ ایکشن درست کرانے کے لیے انہیں نیشنل اکیڈمی طلب کرلیا جہاں محمد حفیظ کے بالنگ ایکشن پر کام کیا جائے گا۔

پی سی بی کے مطابق کمیٹی محمد حفیظ کا بالنگ ایکشن درست کرنے کے لیے طریقے کار طے کرے گی، تربیت کے ہر دس دن بعد آف اسپنر کا بائیو مکینک ٹیسٹ ہوگا اور ایکشن میں درستگی آنے پر آئی سی سی سے دوبارہ ٹیسٹ کے لیے باضابطہ درخواست کی جائے گی۔


مزید پڑھیں: محمد حفیظ کا بولنگ ایکشن غیر قانونی قرار


 خیال رہے کہ یکم نومبر کو انگلینڈ میں بالنگ ٹیسٹ کے دوران محمد حفیظ کی 80 فیصد گیندیں 11 سے 17 ڈگری تک پائی گئی تھیں۔ آئی سی سی قوانین کے مطابق بولنگ ایکشن میں کہنی کا خم پندرہ ڈگری کے اندر ہونا چاہیے۔

  یاد رہے کہ محمد حفیظ نے بالنگ ایکشن خراب آنے پر ردعمل دیتے ہوئے کہا تھا کہ آئی سی سی کے فیصلے پر دکھ ہوا، شکست تسلیم نہیں کروں گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top