دبئی: قومی ٹیم کے فاسٹ بالر محمد حسنین کی بلی کو کھانا کھلانے کی ویڈیو سوشل میڈیا پر وائرل ہوگئی۔
پاکستان کرکٹ بورڈ کی جانب سے فیس بک پر قومی کرکٹر کی ویڈیو شیئر کی گئی ہے، جس میں محمد حسنین کو قومی ٹیم کے ڈریسنگ روم میں آنے والی بلی کو کچھ کھلاتے دیکھا جاسکتا ہے۔
ویڈیو پاکستان اور ہانگ کانگ کے دوران کھیلے گئے گزشتہ میچ کے دوران کی ہے، جس میں دیکھا جاسکتا ہے کہ محمد حسنین ڈریسنگ میں بیٹھے ہوتے ہیں کہ اچانک پیچھے سے ان کے پاس ایک بلی آتی ہے، جس کی وہ خوب آؤ بھگت کرتے ہیں۔
پی سی بی نے ویڈیو کے کیپشن میں لکھا کہ محمد حسنین نے اس بات کو یقینی بنایا کہ ڈریسنگ روم میں ہمارے پیارے دوست کو اچھی طرح سے کھلایا گیا ہو۔
ویڈیو کو اب تک 8 لاکھ 34 ہزار سے زائد دیکھ چکے ہیں جبکہ 63 ہزار سے زائد لوگوں نے اسے لائیک کیا ہے۔
