پاکستان کرکٹ بورڈ (پی سی بی) نے ایج گروپ ٹرائلز کے لیے 8 رکنی سلیکشن کمیٹی کا اعلان کردیا۔
پاکستان کرکٹ بورڈ کی جانب سے جاری کردہ اعلامیہ کے مطابق وکٹ کیپر بلے باز کامران اکمل کو کمیٹی کا سربراہ مقرر کیا گیا ہے۔
فاسٹ بولر سہیل تنویر، جنید خان، عامر نذیر، تیمور خان، فیصل اطہر، قیصر عباس اور ثنا اللہ بلوچ بھی کمیٹی میں شامل ہیں۔
کمیٹی ریجنل اور ڈسٹرکٹ ٹیموں کے انتخاب کے لیے انڈر 13، انڈر 16 اور انڈر 19 کھلاڑیوں کے ٹرائلز لے گی۔
