لاہور: پی ڈی ایم کے ترجمان حافظ حمد اللہ کا کہنا ہے کہ پاکستان میں پس پردہ رابطوں کے ذریعے ڈیلز ممکن ہیں، چیئرمین پی ٹی آئی سےبھی ڈیل ہوگی،وقت کا نہیں پتہ۔
تفصیلات کے مطابق پی ڈی ایم کے ترجمان حافظ حمد اللہ نے اے آر وائی نیوز کو خصوصی انٹرویو دیتے ہوئے کہا کہ پاکستان کی سیاست میں ممکن ہےپس پردہ رابطوں کےذریعےڈیلزکی کوششیں ہوں، چیئرمین پی ٹی آئی سےبات بھی ہوگی اورڈیل بھی لیکن وقت کاپتہ نہیں۔
ترجمان پی ڈی ایم نے بتایا کہ بشریٰ بی بی نے کوشش کی لیکن چیئرمین پی ٹی آئی کی گارنٹی کوئی نہیں دےرہا، جب تک سیاستدان عوام کےبجائےاقتدارکی سیاست کرےگا ڈیلز ہوتی رہیں گی۔
حافظ حمد اللہ کا کہنا تھا کہ نوازشریف ،بینظیرکوسیکیورٹی رسک قراردیاگیاپھروہ وزرائےاعظم بھی بنے، ایک وقت میں نوازشریف ہائی جیکرتھےپھروہ آئےاوروزیراعظم بن گئے۔
الیکشن کے حوالے سے سوال پر انھوں نے کہا کہ الیکشن کیوں نہیں ہوں گے ، نہ ہوئے تو کیا ملک میں استحکام آسکتاہے، مولانا فضل الرحمان نےیہ نہیں کہا انتخابات نہ ہوں بلکہ کچھ چیزوں کی نشاندہی کی۔
حافظ حمد اللہ غیر مقیم افغانیوں کو ملک بدر کرنے کے فیصلے پر ترجمان پی ڈی ایم کا کہنا تھا کہ غیرقانونی افغانیوں کو نکالنے کا فیصلہ کمزوراورنگراں حکومت نہیں کرسکتی، آپ4ماہ کی عبوری حکومت ہیں توآپ مستقبل کےفیصلےنہیں کرسکتے، نگراں حکومت کا کام صرف انتخابات کراناہے۔
حافظ حمد اللہ نے اپنے اوپر ہونے والے حملے سے متعلق بتایا کہ مستونگ میں مجھ پرموٹرسائیکل میں نصب ریموٹ کنٹرول بم دھماکا کیاگیا، نگراں وزیرداخلہ سرفرازبگٹی میرابھائی ہےلیکن انکےدعوے پر حیران ہوں، وزیرداخلہ نےکہا مجھ پرحملہ کرنیوالے ماسٹرمائنڈ کوہلاک کردیا ہے۔
ان کا کہنا تھا کہ سوال یہ ہےحملہ آورپکڑا بھی گیا اورہلاک بھی ہوگیا، ماسٹرمائنڈ زندہ نہیں پکڑا گیاتاکہ اس سےمعلومات ملتی کہ وہ کون ہے، اب یہ وزیرداخلہ ہی بتائیں گے اتنی جلدی پکڑا بھی گیا اورمارابھی گیا۔
ترجمان پی ڈی ایم نے کہا کہ اس ماسٹر مائنڈ کے پیچھے کوئی سہولت کارتوہوگا، وزیرداخلہ کےمطابق میں خوش قسمت ہوں کہ حملہ آورپکڑاگیا اورمارابھی گیا۔
انھوں نے شکوہ کیا کہ پی ڈی ایم کا ترجمان ہوں افسوس ن لیگ کےکسی فردنےفون کیا نہ عیادت ، ساتھی پوچھتےہیں ن لیگ والےآپ کی عیادت کےلیےکیوں نہیں آئے، کوئی روایات ہوتی ہیں، پیپلزپارٹی پر تنقیدکرتا ہوں پھربھی بلاول تشریف لائے۔
