لاہور : بارشوں اور طوفان کا الرٹ جاری کردیا گیا، جس میں کہا ہے کہ تیزہواؤں کے ساتھ بارش ہوسکتی ہے۔
تفصیلات کے مطابق رواں ماہ ہیٹ ویو،بارشوں اور طوفان کاالرٹ جاری کردیا، جس میں شہریوں کو احتیاط برتنے کا مشورہ دیا گیا ہے۔
پی ڈی ایم اے پنجاب کے ترجمان نے کہا کہ 18مئی تک پنجاب کےبیشتر اضلاع میں گرج چمک کے ساتھ بارش ہو سکتی ہے، لاہور، راولپنڈی ، مری، گلیات،جہلم ودیگرشہروں میں تیزہواؤں کےساتھ بارش ہوسکتی ہے۔
ترجمان کا کہنا تھا کہ قصور،سیالکوٹ،فیصل آباد،میانوالی ودیگرشہروں میں آندھی اوربارش کا امکان ہے ، رواں ماہ درجہ حرارت اوسطاً 8 ڈگری تک بڑھنے کا امکان ہے۔
پی ڈی ایم اے کے مطابق پنجاب میں 21 سے 27 مئی تک ہیٹ ویو کاامکان ہے، موسم خشک اور درجہ حرارت نارمل سے 6 ڈگری زیادہ رہے گا۔
وزیر اعلی پنجاب کی ہدایت کے مطابق ضلعی انتظامیہ کو الرٹ کردیا، گرمی اور لو کی شدت میں اضافے سے عوام کو محتاط رہنا ہوگا۔
