لاہور: صوبہ پنجاب میں طوفانی بارشوں کے باعث مختلف حادثات میں 5 افراد جاں بحق ہوئے جبکہ 17 افراد زخمی ہوگئے۔

تفصیلات کے مطابق ڈیزاسٹر مینجمنٹ اتھارٹی (پی ڈی ایم اے) پنجاب نے بارش سے نقصانات کی رپورٹ جاری کردی، پنجاب میں مجموعی طور پر 10 واقعات رپورٹ ہوئے۔

پی ڈی ایم اے کا کہنا ہے کہ مختلف حادثات میں 3 بچیوں سمیت 5 افراد جاں بحق ہوئے، مختلف حادثات میں 17 افراد زخمی بھی ہوئے۔

پی ڈی ایم اے کے مطابق بارش کے باعث دیوار گرنے سے 2 جانور بھی ہلاک ہوئے۔