اسلام آباد : پیمرا نے پندرہ اکتوبر سے بھارتی چینلز کے خلاف کریک ڈاؤن کا فیصلہ کرلیا، غیرقانونی ڈی ٹی ایچ کے خلاف بھی کارروائی کی جائے گی۔
بھارتی جارحیت کے خلاف پیمرا بھی ایکشن میں آگیا اور انڈین چینلز کے خلاف کریک ڈاؤن کا فیصلہ کیا گیا ہے وزیراعلی پنجاب شہبازشریف سے ملاقات میں چیئرمین پیمرا ابصارعالم نے بھارتی چینلز اور غیر قانونی ڈی ٹی ایچ کے خلاف کارروائی کیلئے تعاون مانگ لیا ۔
وزیراعلی شہباز شریف کو بریفنگ دینے کے بعد چیئرمین پیمرا نے پندرہ اکتوبر سے انڈین چینلز اور غیر قانونی ڈی ٹی ایچ کے خلاف کریک ڈاؤن کا اعلان کیا ہے۔
شہباز شریف نے چیئرمین پیمرا کے اقدام کو خوش آئند قرار دیا ،انہوں نے کہا کہ صوبائی حکومت پنجاب کے بڑے شہروں میں پیمرا دفاتر کے قیام کیلئے بھی مدد کرے گی۔
پیمرا وفد نے انڈین چینلز کے خلاف کریک ڈاؤن پر بلوچستان حکومت سے بھی رابطہ کیا ہے۔