کراچی : انتخابات 2018 کے لئے پولنگ کے دوران ووٹ کاسٹ کرنے والے شہری سیکیورٹی پر تعینات فوجی جوانوں اور دیگر سیکیورٹی اداروں کے اہلکاروں سے اظہار محبت کررہے ہیں، وہیں اداروں کے جوان بھی عوام کی خدمت میں پیش پیش ہیں۔
تفصیلات کے مطابق ملک بھرمیں پر امن طریقے سے ووٹنگ کاعمل پاک فوج کی نگرانی میں جاری ہے ، ووٹ کاسٹ کرنے والے شہری اپنے ساتھ پھول بھی لے کر آئے۔
مختلف پولنگ اسٹیشنز پر تعینات جوانوں پاک فوج کے جوانوں کو سے محبت کا اظہار کرتے ہوئے عوام نے پھولوں کے تحفے دیئے جبکہ بچے بوڑھے مصافحہ کرتے رہے۔
عوام کا کہنا ہے کہ اس بارفوجی جوانوں کی موجودگی میں تحفظ کا احساس مزیدبڑھا ہے۔
واضح رہے کہ پاکستان کے گیارہویں عام انتخابات کے لیے ملک بھر میں پولنگ کا عمل کا آغاز ہوچکا ہے، جو بلا تعطل 6 بجے تک جاری رہے گا، 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔
مزید پڑھیں: عام انتخابات 2018 کے لیے پولنگ کا عمل شروع
انتخابی عمل کے دوران حفاظتی اقدامات کے پیش نظر3لاکھ 70 ہزار فوجی جوان جبکہ ساڑھے چار لاکھ پولیس اہلکار تعینات ہیں۔
بہت کم ایسا ہوتا ہے کہ عوام اور مسلح افواج کے جوانوں کی آپس میں ملاقات ہو، پاکستان میں الیکشن 2018 ایک ایسا ہی موقع بن گیا ، ایسے میں عوام کی جانب سے اپنی مسلح افواج اور دیگر سیکیورٹی اداروں سے محبت کے ایسے مناظر دیکھنے میں آئے کہ دیکھنے والی آنکھیں اشک بار ہوگئیں۔
ماؤں نے فوج کے جوانوں کے ماتھے چوم لیے تو کہیں لوگ انہیں پھول پیش کرتے نظر آئے۔
کہیں ٹریفک وارڈنز عوام کی مدد کے لیے کوشاں نظر آرہے ہیں تو کہیں رینجرز اہلکار پولنگ کے عمل کو عوام کے لیے آسان بنا رہے ہیں۔
الغرض جہاں ایک جانب پاکستان ایک نئے جمہوری دور میں داخل ہورہا ہے وہیں عالمی دنیا کو ایک پیغام بھی جارہا ہے کہ پاکستان کی مسلح افواج اور عوام سماج کے دو الگ الگ شعبے نہیں بلکہ ایک مٹھی قوت ہیں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
0
20
