The news is by your side.

خدارا رحم کریں، آٹے کی قیمت کم کردیں،عوام کی شہباز شریف سے ہاتھ جوڑ کر اپیل

کراچی : آٹا مہنگا ہونے سے عوام کی نیندیں اڑگئیں، عوام نے شہبازشریف سے ہاتھ جوڑ کر اپیل کی ہے کہ خدارا رحم کریں، آٹے کی قیمت کم کردیں۔

تفصیلات کے مطابق ملک بھرمیں آٹا مہنگا ہونےسے عوام کی نیندیں اڑگئیں، کراچی سے کوئٹہ تک مزدور طبقہ ہو یا تنخواہ دار سب پریشان ہیں۔

ایک کلو آٹا خریدنا بھی قوت خرید سے باہرہوگیا، عوام نے وزیراعظم شہبازشریف سے ہاتھ جوڑ کر اپیل کی ہے کہ خدارا رحم کریں، آٹے کی قیمت کم کردیں۔

شہریوں کا کہنا ہے کہ آٹے کا بحران ختم کریں،ہم سے روٹی کیوں چھینی جارہی ہے؟ ن لیگ کی حکومت توعوام کو نوالے بھی گن گن کردے رہی ہے۔

کراچی میں ایک کلو آٹا ایک سو بیس سے ایک سو تیس روپے میں دستیاب ہے اور تندور پر روٹی تیس سے پچاس روپے میں فروخت ہونے لگی ہے۔

لاہور سمیت متعدد شہروں میں آٹے کی قیمت کو پر لگ گئے، جس پر مہنگائی کےمارے عوام دہائیاں دینے لگے۔

فلار ملز مالکان نے صاف صاف کہہ دیا ہے کہ جب تک حکومت گندم فراہم نہیں کرتی آٹے کی قیمتیں کم نہیں ہوں گی۔

Comments

یہ بھی پڑھیں