واشنگٹن: امریکا میں سال نو کے جشن سے پہلے جشن کی تیاریاں عروج پر پہنچ گئیں، ٹائم اسکوائر پر موسیقی نے سماں باندھ دیا۔
تفصیلات کے امریکی شہر نیویارک میں سال نو کی آمد سے قبل ہی شہری خوشی سے پھولے نہیں سمارہے، ٹائم اسکوائر پر آزمائشی طور ہزاروں رنگ برنگی پتیاں نچھاور کی گئیں، موسیقی کی دھنوں پر بچوں کی عمدہ پرفارمنس نے سماں باندھ دیا۔
غیر ملکی خبر رساں ادارے کے مطابق امریکا میں چھوٹے بڑے سب ہی نئے سال کوخوش آمدید کہنے کہ منتظر نظر آتے ہیں، نیویارک کے ٹائم اسکوائر پر سال نوکے جشن سے پہلے جشن منانے کی ریہرسل کی گئی۔
ٹائم اسکوائر کے قریب بلند وبالا عمارت کی بالکونی سے رنگ برنگی ہزاروں پتیاں نچھاور کی گئیں، ریپ موسیقی کی دھنوں پر بچوں کے رقص کو دیکھ کر ہر کوئی محظوظ ہوتا رہا۔
سال نو کی آمد، امریکا میں سیکیورٹی ہائی الرٹ کردی گئی
ٹائم اسکوائر سے سال نو کے جشن کی تقریب کو براہ راست نشرکیا جائے گا جسے ایک ارب سے زائد لوگ ٹی وی پر دیکھے گے۔
دوسری جانب امریکا میں سال نو کی آمد کے پیش نظر سیکیورٹی کو ہائی الرٹ کردیا گیا ہے، مشکوک افراد کی مونیٹرنگ کے لیے جدید ٹیکنالوجی کا استعمال کیا جارہا ہے۔
خیال رہے کہ گذشتہ روز امریکی میڈیا نے کہا تھا کہ مشکوک افراد کی مانیٹرنگ کے لیے پہلی مرتبہ ڈرونز ٹیکنالوجی استعمال کی جارہی ہے، جبکہ سیکیورٹی اہلکار کسی بھی قسم کے ناخوشگوار واقعے سے نمٹنے کے لیے تیاری ہیں۔
