مسقط: عمان کے ڈپارٹمنٹ آف بلڈ بینک سروسز نے اپیل کی ہے کہ بی نیگیٹو بلڈ گروپ کے افراد خون عطیہ کر کے مریضوں کی جان بچانے میں مدد کریں۔
مقامی میڈیا کے مطابق ڈپارٹمنٹ آف بلڈ بینک سروسز کی جانب سے کی گئی اپیل میں شہریوں سے کہا گیا ہے کہ عطیہ کردہ خون کی مقدار میں تیزی سے کمی کے باعث بی نیگیٹو بلڈ گروپ رکھنے والے افراد سے درخواست ہے کہ وہ خون عطیہ کریں۔
یاد رہے کہ بی نیگیٹو کے بلڈ سیلز، بی گروپ اور اے بی گروپ کے تمام افراد کو لگائے جاسکتے ہیں۔
- Advertisement -
ڈپارٹمنٹ کا کہنا ہے کہ خون کے عطیات سینٹرل بلڈ بینک اور اس کے ریجنل بینکس میں جمع کروائے جا سکتے ہیں تاکہ مریضوں کو خون کی فراہمی کسی بھی صورت میں رک نہ سکے۔
