بھارت میں ویکسی نیشن کی لمبی قطار سے بچنے کے لیے ایک شخص نے انوکھی حرکت کر ڈالی، وائرل ویڈیو نے سوشل میڈیا صارفین کے چہروں پر ہنسی بکھیر دی۔
ویکسینیشن سینٹر میں بھی اقربا پروری شروع ہوگئی، ویکسینیشن سینٹر کے عملے نے لائن میں کھڑے عوام کو پس پشت ڈالتے ہوئے عمارت کی دوسری جانب لگی کھڑکی سے اپنے کسی عزیز کو ویکسین لگا دی۔
یہ پتہ نہیں چل سکا کہ ویڈیو بھارت کے کس شہر اور ضلع کی ہے تاہم ویڈیو میں دیکھا جاسکتا ہے کہ کرونا سے بچاؤ کےلیے ویکسین لگوانے والوں کا رش لگا ہوا ہے اور ایسے میں ایک شخص کھڑکی سے ویکسین لگواتا ہوا نظر آتا ہے۔
ویڈیو ترن تیاگی نامی شخص نے بنائی جس نے دیکھایا کہ کیسے ایک شخص ویکسینیشن سینٹر کی عقب میں موجود کھڑکی پر کھڑا ہوجاتا ہے اور پھر اندر سے ویکسین لگانے والے عملے کا گلوز پہنے ہوئے ہاتھ باہر آتے اور مذکورہ شخص کو ویکسین لگاکر واپس اندر چلے جاتے ہیں۔
بھارتی شہری کی اس حرکت پر لائن میں لگے افراد نے بھی کافی شور شرابہ کیا تاہم کوئی فائدہ نہیں ہوا۔
ترن تیاگی نامی شخص کی جانب سے ویڈیو فیس بک پر اپلوڈ ہونے کے بعد اب تک 5 ہزار مرتبہ شیئر ہوچکی ہے جب کہ ویڈیو کو 4 لاکھ سے زائد صارفین نے دیکھا ہے۔
