پاکستان پیپلز پارٹی نے سی ای سی کے اجلاس میں وزیراعظم کے امیدوار کے لیے بلاول بھٹو زرداری کے نام کی منظوری دیدی ہے۔
تفصیلات کے مطابق آصف علی زرداری اور بلاول بھٹو کی زیرِصدارت پیپلزپارٹی سی ای سی کا اجلاس ہوا۔ سی ای سی نے وزیراعظم کے امیدوار کیلئے بلاول بھٹو کے نام کی منظوری دیدی۔
آصف زرداری نے بلاول بھٹو کا نام وزیراعظم کے امیدوار کیلئے پیش کیا۔ اس دوران ملکی سیاسی صورتحال اور انتخابات سے متعلق سیاسی رابطوں پر گفتگو ہوئی۔
سی ای سی اجلاس میں انتخابات سے متعلق مہم اور منشور پر بھی بات چیت کی گئی۔ سی ای سی نے آصف زرداری اور بلاول بھٹو زرداری کی قیادت پر اعتماد کا اظہار کیا۔
دریں اثنا نیوز کانفرنس کرتے ہوئے چیئرمین پاکستان پیپلز پارٹی بلاول بھٹو زارداری نے کہا کہ سی ای اجلاس میں آصف زرداری نے مجھے وزیراعظم کے عہدے کیلئے نامزد کیا ہے۔
بلاول بھٹو نے کہا کہ چاہتے ہیں عوام کی قوت خرید اور آمدنی دگنی کریں۔ پسماندہ علاقوں میں رہنے والوں کیلئے سولر پینل اور 300 یونٹ فری بجلی دیں گے
انھوں نے کہا کہ ہر ڈسٹرک میں گرین انرجی کے منصوبے ہیں۔ پاکستان میں مفت اور معیاری تعلیم لانا چاہتے ہیں۔
چیئرمین پی پی نے کہا کہ صحت سے متعلق مفت اور معیاری علاج کی فراہمی کی کوشش کرینگے۔ پاکستان کے تمام اضلاع میں اسپتال بنائیں گے جہاں مفت علاج ہوگا۔
