کراچی : پیپلز پارٹی کے رہنما فیصل کریم کنڈی کا کہنا ہے کہ پیپلزپارٹی پی ڈی ایم کا حصہ نہیں بلکہ ایک آزاد جماعت ہے۔
تفصیلات کے مطابق پیپلز پارٹی کے رہنما فیصل کریم کنڈی نے پریس کانفرنس کرتے ہوئے کہا کہ پہلی بارکے پی نگران حکومت دیکھی ہےجوٹرانسفر پوسٹنگ بھی کر رہی ہے، پیپلزپارٹی کو کے پی کے حوالے سے بہت تحفظات ہیں۔
فیصل کریم کنڈی کا کہنا تھا کہ پیپلزپارٹی پی ڈی ایم کا حصہ نہیں بلکہ ایک آزاد جماعت ہے جس کےسربراہ بلاول بھٹو ہیں۔
پی پی رہنما نے کہا کہ نہ جانے کیوں کچھ جماعتیں انتخابات میں التوا چاہتی ہیں، الیکشن میں تاخیر سے مسائل کا حل نہیں نکلے گا، پیپلزپارٹی ملک میں سیاسی، معاشی استحکام چاہتی ہے۔
آج کل انتخابات کی باتیں ہر طرف ہو رہی ہیں، پیپلز پارٹی الیکشنز کے لیے ہر وقت تیار ہے، پیپلز پارٹی انتخابات میں ایک دن تاخیر نہیں چاہتی، آئین کے مطابق نگراں حکومت بننی چاہئے، جن کی خواہشات ہے کہ انتخابات وقت پر نہ ہوں وہ کھل کرسامنے آئیں۔
