The news is by your side.

Advertisement

ذاتی صفائی کا خیال رکھنا کتنا ضروری؟

کرونا وائرس کی وبا نے ہمیں ذاتی صفائی کی طرف دھیان دلایا ہے لیکن اب بھی کئی لوگ اس چیز کو ضروری نہیں سمجھتے اور دوسروں کے لیے تکلیف کا باعث بنتے ہیں۔

تفصیلات کے مطابق اے آر وائی نیوز کے مارننگ شو باخبر سویرا میں ناہید انصاری نے شرکت کی اور ذاتی صفائی کے موضوع پر گفتگو کی۔

انہوں نے بتایا کہ اپنے آپ کو صاف ستھرا رکھنے سے قوت مدافعت میں بھی اضافہ ہوتا ہے جو کرونا وائرس سے بچاؤ کے لیے بھی ضروری ہے۔

ناہید انصاری کا کہنا تھا کہ ماؤں کو بچپن سے ہی ان بنیادی باتوں کا شعور دینا چاہیئے کہ صبح اٹھ کر نہایا جائے، دانت صاف کیے جائیں، بال بنائے جائیں اور کپڑے بدلے جائیں اس کے بعد گھر سے باہر نکلا جائے۔

انہوں نے کہا کہ کرونا وائرس بھی ایک یاد دہانی تھی جس نے ہمیں ذاتی صفائی کی اہمیت کا احساس دلایا، ہم بار بار ہاتھ دھونے، اور ماسک پہننے پر مجبور ہوئے۔

ناہید انصاری کا کہنا تھا کہ اپنے آپ کو صاف ستھرا رکھنے سے ڈپریشن میں بھی کمی آتی ہے جبکہ شخصیت میں اعتماد آتا ہے۔

Comments

یہ بھی پڑھیں