تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

لڑکی کو دوستوں کے سامنے قاتل شارک کھا گئی، دل دہلا دینے والا واقعہ

پرتھ: مغربی آسٹریلیا میں ایک دریا میں تیراکی کے دوران شارک کے حملے میں ایک 16 سالہ لڑکی ہلاک ہو گئی۔

غیر ملکی میڈیا رپورٹس کے مطابق آسٹریلیا کے جنوب میں واقع دریائے سوان میں شینٹن کالج کی 16 سالہ طالبہ اسٹیلا بیری شارک مچھلی کے حملے سے ہلاک ہو گئی۔

یہ واقعہ نارتھ فریمینٹل کے نواح میں ہفتے کو پیش آیا، اسٹیلا بیری کو جب دریا سے نکالا گیا تو وہ زندہ نہیں تھی، حکام کے اندازے کے مطابق لڑکی کو بُل شارک نے نشانہ بنایا۔

ڈیلی میل کے مطابق لڑکی ہفتے کی سہ پہر کو نارتھ فریمینٹل میں دریائے سوان میں اپنے دوستوں کے ساتھ رسی کے جھولے سے آرام کر رہی تھی، جب اس نے ڈولفنوں کی ایک ٹولی دیکھی اور ان کے پیچھے پانی میں چھلانگ لگا دی۔

حکام کا کہنا ہے کہ کچھ ہی دیر بعد اس کے دوستوں اور دیگر افراد نے دیکھا کہ ایک شارک نے لڑکی کی ٹانگ دانتوں میں دبا لی ہے، کنارے پر کھڑے لوگوں نے اگرچہ بہادری کا مظاہرہ کیا اور لڑکی کو کنارے پر کھینچ لائے لیکن وہ جاں بر نہ ہو سکی۔

پولیس نے واقعے کو دل دہلا دینے والا حادثہ قرار دیا، اسٹیلا کے دل شکستہ والدین نے کہا کہ وہ باقاعدگی سے دوستوں کے ساتھ دریا پر دن گزارتی تھی، ہم اپنی خوب صورت بیٹی کے کھو جانے سے گہرے صدمے میں ہیں۔

ماہرین نے شہریوں کو خبردار کیا ہے کہ دریا کے اس حصے میں شارک کی معمول سے ہٹ کر انواع موجود ہو سکتی ہیں، اس لیے احتیاط برتیں۔

Comments

- Advertisement -