لاہور : مسلم لیگ ق کے رہنما اور اسپیکر پنجاب اسمبلی چوہدری پرویزالہٰی نے مریم نواز کو تنبہیہ کیا ہے کہ اے آروائی نیوز کے کسی ورکز کو نقصان نہیں پہنچنا چاہیے۔
تفصیلات کے مطابق مسلم لیگ ق کے رہنما اور اسپیکر پنجاب اسمبلی چوہدری پرویزالہٰی نے مریم نواز کی جانب سے اے آر وائی نیوز کو دھمکیاں دینے کی مذمت کرتے ہوئے کہا کہ اے آروائی نیوز کے کسی ورکز کو نقصان نہیں پہنچنا چاہیے۔
چوہدری پرویز الہٰی کا کہنا تھا کہ ن لیگی قائدین بوکھلاہٹ کا شکار ہوکر میڈیا پر الزامات لگا رہے ہیں اور مسائل حل کرنے کے بجائے میڈیا پرتنقید کررہے ہیں۔
اسپیکر پنجاب اسمبلی نے کہا کہ اے آروائی نیوز عوام کو درپیش مسائل اجاگر کر رہا ہے ، میڈیا کو دباؤ میں لانے کی کوشش کامطلب عوام کی آواز کو دبانا ہے۔
ان کا مزید کہنا تھا کہ صحافیوں یا اداروں کو دھمکیاں دینا قابل مذمت عمل ہے، سیاسی میدان میں مقابلےکے بجائے لیگی قائدین میڈیا کودھمکارہے ہیں، اے آر وائی نیوز وہ دکھا رہا ہے جو عوام کی اکثریت دیکھنا چاہتی ہے۔
