لاہور: سابق وزیر اعلیٰ پرویز الہٰی کی طبیعت جیل میں اچانک ناساز ہونے پر انھیں اسپتال منتقل کیا گیا۔
تفصیلات کے مطابق سابق وزیر اعلیٰ پنجاب چوہدری پرویز الہٰی کو رات گئے جیل میں طبیعت خراب ہونے پر پنجاب انسٹی ٹیوٹ آف کارڈیالوجی لایا گیا۔
ڈاکٹروں نے پرویز الہٰی کا طبی معائنہ کیا اور ای سی جی سمیت دیگر ضروری ٹیسٹ کیے، ٹیسٹ رپورٹس سامنے آنے پر سابق وزیر اعلیٰ پنجاب کی صحت تسلی بخش قرار دے دی گئی اور انھیں سخت سیکیورٹی میں واپس جیل پہنچا دیا گیا۔
