وزیراعلیٰ پنجاب پرویز الہٰی نے کہا ہے کہ گورنر کی جانب سے غیر قانونی طور پر ڈی نوٹیفائی کیے جانے کے اقدام کا ڈٹ کر مقابلہ کیا جائیگا۔
وزیراعلیٰ پنجاب چوہدری پرویز الہٰی نے گورنر کے اقدام کو عدالت میں چینلج کیے جانے کے بعد اے آر وائی نیوز سے خصوصی گفتگو کرتے ہوئے کہا کہ گورنر کو مجھے ہٹانے کا اختیارنہیں۔ اجلاس بلانا اسپیکر کی ذمے داری ہوتی ہے، وزیر اعلیٰ کی نہیں۔
ان کا کہنا تھا کہ گورنر کی جناب سے غیر قانونی طور پر ڈی نوٹیفائی کرنے کا ڈٹ کر مقابلہ کیا جائے گا۔ لاہور ہائیکورٹ میں درخواست درخواست دائر کردی ہے۔ انشا اللہ وہاں سے انصاف ملے گا۔ اگر عدالت نے بلایا تو تمام ارکان سمیت پیش ہوں گا۔
یہ بھی پڑھیں: ن لیگ نے ’’58 ٹو بی‘‘ کو زندہ کردیا، فواد چوہدری
پرویز الہیٰ نے مزید کہا کہ آج پنجاب اسمبلی کے اجلاس میں شرکت کروں گا اور ق لیگ، پی ٹی آئی کی پارلیمانی پارٹی کی صدارت بھی کروں گا۔ ان شااللہ آج دونوں اتحادی جماعتوں کے ارکان اسمبلی آج اپنی طاقت کا مظاہرہ کریں گے۔
