لاہور : سابق وزیراعلیٰ پنجاب پرویزالٰہی کو طبیعت ناساز ہونے پر راولپنڈی انسٹی ٹیوٹ آف کارڈیالوجی منتقل کردیا گیا، پرویز الٰہی کو سینے میں انفیکشن کی تشخیص ہوئی۔
تفصیلات کے مطابق سابق وزیراعلیٰ پنجاب پرویزالٰہی کی طبیعت پھر ناساز ہوگئی ، جس کے بعد انھیں اڈیالہ سے راولپنڈی انسٹی ٹیوٹ آف کارڈیالوجی منتقل کردیا گیا۔
وکیل سردار عبدالرازق نے بتایا کہ پرویزالٰہی کے کچھ ضروری ٹیسٹ کئے جائیں گے۔
اڈیالہ جیل ذرائع کا کہنا ہے کہ پرویز الٰہی کو سینے میں انفیکشن کی تشخیص ہوئی ، گزشتہ ہفتےپرویزالٰہی کا آر آئی سی میں تھیلیم ٹیسٹ کلیئر آیا تھا تاہم ان کے مزید کچھ ٹیسٹ کروائے جائیں گے۔
ذرائع نے کہا ہے کہ پرویز الٰہی کا طبی معائنہ جیل اسپتال میں بھی معمول کے مطابق کیا گیا،پرویز الٰہی کا آر آئی سی میں مکمل طبی معائنہ کیا جائے گا۔
