دبئی : سابق صدر پرویز مشرف نے کہا ہے کہ کراچی کی سیاست میں بلا وجہ میرا نام لیا جا رہا ہے جب کہ میری سوچ قومی سطح کی ہے چنانچہ اپنے آپ کو ایک مخصوص گروپ تک محدود نہیں کرسکتا۔
سابق صدرپرویز مشرف نے اپنے ایک ویڈیو بیان میں اس تاثر کو غلط قرار دیا جس میں کراچی کی سیاست میں تبدیلیوں میں ان کا کوئی کردار ہے اور نہ پاک سرزمین پارٹی نے جماعت کی سربراہی کے لیے پیش کش کی ہے۔
https://twitter.com/APMLOfficial_/status/929691271383470081
انہوں نے کہا کہ اپنی سوچ کی وضاحت پہلے بھی کر چکا ہوں کہ ایم کیوایم سے نہیں مہاجروں سے ہمدردی ہے اور اپنے آپ کو صرف مہاجر برادری کا لیڈر نہیں سمجھتا ہوں اور اسی سوچ کے تحت 23 جماعتی اتحاد قائم کیا ہے۔
https://twitter.com/APMLOfficial_/status/929693449330315265
صدر آل پاکستان مسلم لیگ پرویز مشرف نے کہا کہ ایم کیوایم کی سربراہی کرنا میرے لیے احمقانہ بات ہے تاہم ایم کیو ایم پاکستان اور پی ایس پی کا اتحاد غیر فطری تھا تاہم ہمارے 23 جماعتی اتحاد میں پنجاب میں پی پی، مسلم لیگ (ن) کے فارورڈ بلاکس کو ساتھ ملایا جا سکتا ہے۔
https://twitter.com/APMLOfficial_/status/929696650016296960
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔