The news is by your side.

بی آر ٹی منصوبہ، جس نے غلطی کی اس کے خلاف ایکشن ہونا چاہیے: پرویز خٹک

پشاور: وزیر دفاع پرویز خٹک نے کہا ہے کہ بی آر ٹی منصوبہ عوام کی فلاح وبہبود کے لئے تھا، منصوبےمیں جس نے غلطی کی، اس کے خلاف ایکشن ہونا چاہیے.

ان خیالات کا اظہار انھوں نے پشاور میں میڈیا سے بات کرتے ہوئے کیا. ان کا کہنا تھا کہ عوام کی خدمت ہماری اولین ترجیح ہے، گواہی دیتاہوں صحت کارڈ سے غریب کو ہی فائدہ پہنچ رہا ہے.

ڈیزائن میں تبدیلی کے بعد منصوبے میں تاخیر ہوئی

پرویز خٹک

سابق وزیر اعلیٰ کے پی کے کا کہنا تھا کہ منصوبے سے میرا ذاتی مفاد وابستہ نہیں اور نہ ہی کوئی فائدہ اٹھایا، میں انجینئر نہیں ہوں، میرا کام ڈیزائن دیکھنا نہیں ہوتا، منصوبےمیں جس نے غلطی کی اس کے خلاف ایکشن ہونا چاہیے.

مزید پڑھیں: پشاور بی آر ٹی منصوبہ: صوبائی انسپکشن ٹیم کو تاخیر کی انکوائری کا حکم

پرویز خٹک نے کہا کہ ابتدائی ڈیزائن میں سیوریج سسٹم کا خیال نہیں رکھا گیا، بی آرٹی منصوبے کو 2 سال نہیں 17 ماہ ہوئے ہیں، ڈیزائن میں تبدیلی کے بعد منصوبے میں تاخیر ہوئی، صوبائی حکومت کا کام نگرانی کرنا تھا، زیادہ تر پراجیکٹ مکمل ہوچکا ہے.

سابق وزیر اعلیٰ کے پی کا کہنا تھا کہ مین کوریڈور بن گیا ہے، صرف پارکنگ رہتی ہے، ابتدامیں سیوریج کا خیال نہیں رکھا گیا، جس کی وجہ سے تاخیر ہوئی، منصوبے میں تاخیر صرف ٹیکنیکل غلطیوں کی وجہ سے ہیں، اس میں صوبائی حکومت کا کوئی قصور نہیں ہے.

Comments

یہ بھی پڑھیں