مشعال کیس کا فیصلہ تاریخی ہے: وزیر اعلی خیبر پختون خوا پرویز خٹک Mashal Khan
The news is by your side.

Advertisement

مشعال کیس کا فیصلہ تاریخی ہے، انسداد پولیومہم میں مولانا سمیع الحق نے ہماراساتھ دیا: پرویز خٹک

کراچی: وزیر اعلیٰ خیبر پختون خواہ پرویز خٹک نے کہا ہے کہ عمران خان نے کبھی سیاسی جلسوں کے لیے حکومتی ہیلی کاپٹر استعمال نہیں کیا.

ان خیالات کا اظہار انھوں‌ نے اے آر وائی کے پروگرام اعتراض‌ میں‌ گفتگو کرتے ہوئے کیا. ان کا کہنا تھا کہ عمران خان نے ہیلی کاپٹر صوبائی حکومت کی تقریبات کے لیے استعمال کیا.

ان کا کہنا تھا کہ مشعال کیس کا فیصلہ تاریخی اہمیت رکھتا ہے، ایسا فیصلہ ملکی تاریخ‌ میں کسی کیس میں نہیں ہوا، مشعال کے اہل خانہ نے یہ نہیں کہا کہ ہم غیرمطمئن ہیں، بلکہ یہ کہا کہ باقی ملزمان کو بھی سزا ہونی چاہیے.

انھوں‌ نے بری ہونے والے افراد کے استقبال پر کہا کہ مشعال کیس میں 57 لوگ نامزدتھے، سیاسی وابستگیاں ہوسکتی ہیں، سیاسی لوگوں نےاستقبال کیا ہے، ہم اس معاملے کا جائزہ لے رہے ہیں. حلفیہ کہتاہوں کوئی کسی ملزم کی مدد نہیں کرسکتا.

مشعال خان کیس: ایک ملزم کو سزائے موت، 5 ملزمان کو 25، 25 سال قید کی سزا

ایک سوال کے جواب میں‌ انھوں‌ نے کہا کہ کوہاٹ کیس کےملزم کےریڈ وارنٹ نکل چکے ہیں، پولیس کی کہیں کوتاہی نہیں عاصمہ کی بہن پرکسی نے دباؤ ڈالا، تو انھیں بتایا جائے.

اسما زیادتی کیس میں رانا ثنا اللہ کے بیان پر انھوں نے کہا کہ لیبارٹریزملک کی ہیں، راناثنااللہ نےنہیں بنائیں، ہماری لیبارٹری فعال نہیں تھی، اب ہوگئی ہے۔

جہانگیر ترین کو صادق اور امین سمجھتا ہوں: پرویز خٹک

ان کا کہنا تھا کہ انسداد پولیومہم میں مولانا سمیع الحق نے ہماراساتھ دیا، مولاناسمیع الحق حق کی بات کرتے ہیں، ان سے پرانا تعلق ہے

پرویز خٹک نے کہا کہ صوبے میں 30 ہزار میگاواٹ بجلی پیدا کرنےکی صلاحیت ہے، میٹرو پشاور کے اسٹرکچرکی قیمت 28 ارب روپے ہے، اس کی نسبت آج سے10 سال پہلے پنجاب میں مکمل ہونے والی میٹرو کے اسٹرکچر پر31 ارب لاگت آئی تھی.


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں