اسلام آباد: وفاقی وزیر اطلاعات پرویز رشید نے کہا ہے کہ عمران خان نے وزیر اعظم نواز شریف کی فارن پالیسیوں کو اپنا لیا ہے اب وہ اندرونی پالیسیوں کو بھی اپنا لیں۔
لاہور میں منعقدہ سیمینار سے خطاب کرتے ہوئے پرویز رشید نے کہا کہ عمران خان نے بھارت میں خود کو ایک کھلاڑی کے طر پر متعارف کروایا قومی لیڈر کے طور پر نہیں،حیرت ہے کہ عمران خان نے مودی سے ملاقات میں قومی ایشوز پر بات نہیں کی، وہ بتائیں کہ کشمیر سیاچن سرکریک اور دیگر قومی ایشوز پر بات کیوں نہیں کی گئی۔
پرویز رشید کا کہنا تھا کہ نیب آزاد ہے اور ان لوگوں کے خلاف کارروائی کرتا ہے جس کے خلاف ٹھوس شواہد موجود ہوں۔۔کراچی میں قیام امن کے لیے تمام جماعتیں متفق ہیں۔
پرویز رشید نے کہا کہ پیپلز پارٹی نے آج تک کراچی آپریشن پر کوئی اعتراض نہیں کیا تاہم ایم کیو ایم سمیت کسی جماعت کو خدشات ہیں تو وہ اس کا ظہار کرسکتے ہیں۔