پشاور: دہشتگردی مقدمات میں پولیس اور سی ٹی ڈی کی ناقص تفتیش کے سبب کے پی میں دہشتگردی کے مقدمات میں نامزد 195 ملزمان کو مقدمات سے ڈسچارج کردیا گیا۔
تفصیلات کے مطابق پشاور کے پراسیکیوشن ڈیپارٹمنٹ نے یکم جنوری 2024 سے 24 مئی 2024 تک کے اعداد شمار جاری کیے، جس کے مطابق 191 ملزمان وفارمابی کے تحت ڈسچارج کردیے گئے۔
پراسیکیوشن ڈیپارٹمنٹ کے مطابق 4 ملزمان کو عدالتوں نے عدم شواہد کی بنا پر مقدمات سے ڈسچارج کیا، پشاور میں 81، مردان میں 55، لوئردیر میں 29 ملزمان کو مقدمات سے ڈسچارج کیاگیا۔
- Advertisement -
پراسیکیوشن ڈیپارٹمنٹ کے مطابق کوہاٹ میں 14، بنوں 8، ڈی آئی خان میں 4 ملزمان کو مقدمات سے ڈسچارج کیاگیا، اس کے عالوہ سوات اور بونیر میں 2،2 ملزمان دہشت گردی کے مقدمات سے ڈسچارج ہوئے، مقدمات میں نامزد ملزمان کے خلاف شواہد اور ثبوت نہیں ملے۔
