پشاور: کے پی پولیس نے غیر قانونی اسلحہ اور منشیات پنجاب اسمگلنگ کی کوشش کو ناکام بناتے ہوئے 3 اسمگلرز کو گرفتار کرلیا ہے۔
اے آر وائی نیوز کے مطابق اسمگلرز کی گرفتاری دو مختلف واقعات میں ہوئی، پہلی کارروائی پولیس کی جانب سے صوابی کے انبار انٹر چینج پر کی گئی۔
ڈی پی او شعیب محمد کے مطابق اسنیپ چیکنگ کے دوران کار سے بھار تعداد میں اسلحہ اور منشیات برآمد کیں گئیں جبکہ ایک اسمگلر کو بھی گرفتار کیا گیا، برآمد اسلحے میں 25پستول نائن ایم ایم، 7پستول تیس بور،7ریپیٹر، 3ایم پی فائیو رائفل، ایک ایم فور رائفل، ایک44بور رائفل سمیت ایک سب مشین گن،16میگزین اورہزاروں گولیاں بھی برآمد ہوئیں۔
یہ بھی پڑھیں: اسلام آباد میں پولیس مقابلہ، 2ڈاکو ہلاک، اہلکار شہید
ڈی پی او محمد شعیب کے مطابق کار سے ساڑھے7کلوچرس بھی برآمد کی گئی، اسلحہ و منشیات پنجاب اسمگل کی جارہی رہی تھی۔
دوسری کارروائی پشاور کے علاقے پہاڑی پورہ میں عمل میں لائی گئی، جہاں چارسدہ اور پشاور سےتعلق رکھنے والے 2منشیات اسمگلرز کو گرفتار کیا گیا،پولیس کے مطابق 62 کلو سےزائد اعلیٰ کوالٹی کی چرس برآمد ہوئی جو ملزمان گاڑی کےذریعے پنجاب اسمگل کرنےکی کوشش کررہےتھے، ملزمان کے خلاف مقدمہ درج کرتے ہوئے مزید کارروائی کا آغازکردیا گیا ہے۔
