22.2 C
Ashburn
پیر, مئی 20, 2024
اشتہار

پشاور دھماکا، ہلاک و زخمی دہشتگردوں کی شناخت ہوگئی

اشتہار

حیرت انگیز

پشاور بورڈ بازار میں آج صبح ہونے والے دھماکے میں دو افراد ہلاک اور ایک زخمی ہوا تینوں دہشتگرد تھے اور پولیس کے مطابق ان کی شناخت ہوگئی ہے۔

اے آر وائی نیوز کے مطابق آج پشاور کے علاقے بورڈ بازار کے قریب موٹر سائیکل میں دھماکا ہوا تھا جس کے نتیجے میں دو افراد ہلاک جب کہ ایک زخمی ہوا تھا۔ پولیس اور سی ٹی ڈی حکام نے جائے وقوعہ سے اہم شواہد اکٹھے کر لیے ہیں اور اس دھماکے کی ابتدائی رپورٹ بھی تیار کر لی ہے۔

پولیس کے مطابق دھماکے میں ہلاک اور زخمی ہونے والے دہشتگرد ہیں جن کی شناخت ہوگئی ہے اور ان کا تعلق پشاور سے ہی ہے جو سی ٹی ڈی کو مطلوب تھے۔ فرانزک ٹیم نے موٹر سائیکل کے پارٹس تحویل میں لے لیے ہیں جب کہ جائے وقوعہ سے ملنے والے موبائل کے ڈیٹا پر کام جاری ہے۔

- Advertisement -

پولیس کا کہنا ہے کہ موٹر سائیکل کے پارٹس اور نمبر پر بھی کام کیا جا رہا ہے۔ سی ٹی ڈی زخمی دہشت گرد کا بیان قلمبند کرے گی۔

پشاور میں بارودی مواد منتقل کرتے ہوئے دھماکا، 2 ملزمان ہلاک، ایک زخمی

پولیس نے بتایا  کہ سی سی ٹی وی کیمروں کی فوٹیج پر تفتیش کی جا رہی ہے اور ان ہی فوٹیجز سے پتہ چلا ہے کہ موٹر سائیکل بورڈ بازار سے ناصر باغ روڈ کی طرف لائی گئی تھی۔

Comments

اہم ترین

مزید خبریں