پشاور : خیبرپختونخوا حکومت نے پولیس لائن دھماکااور کوہاٹ کشتی حادثے پر ایک روزہ سوگ کا نوٹیفکیشن جاری کردیا۔
تفصیلات کے مطابق خیبرپختونخوا حکومت نے آج ایک روزہ سوگ کے اعلان کا نوٹیفکیشن جاری کردیا۔
نوٹیفکیشن میں کہا گیا کہ سوگ کا اعلان پولیس لائن دھماکااور کوہاٹ کشتی حادثے پر کیا گیا، وزیر اعلیٰ ہاؤس اور وزیراعلیٰ سیکریٹریٹ میں قومی پرچم سرنگوں رہے گا۔
گزشتہ روز پشاور پولیس لائنز کی مسجد میں دوران نماز خودکش دھماکے اور تانڈہ ٹیم کوہاٹ میں کشتی ڈوبنے کے سانحات پر نگراں وزیراعلیٰ کے پی اعظم خان کی جانب سے یوم سوگ کے اعلان کیا گیا تھا۔
خیال رہے پولیس لائنز کی مسجد میں خودکش حملے نے درجنوں خاندان اجاڑ دیے، اب تک دھماکے میں جاں بحق افراد کی تعداد 92 ہوگئی ہے جبکہ 170 افراد زخمی ہے۔
دوسرے واقعے میں اتوار کے دن سیر کے لیے تانڈہ ڈیم جانے والی مدرسے کے طلبہ سے بھری کشتی الٹ گئی تھی جس میں 40 طلبا کی لاشیں نکال لی گئی ہیں۔
