پشاور : خیبرپختونخوا کے شہر پشاور کے ایک گھر میں دھماکے کا واقعہ پیش آیا ہے جس میں ایک نوجوان کے دونوں ہاتھ کٹ گئے۔
تفصیلات کے مطابق پشاور کے علاقے داؤد زئی میں گھر میں دھماکا کے نتیجے میں نوجوان شدید زخمی ہوگیا، زخمی رفیع اللہ کے دونوں ہاتھ جسم سے کٹ کر دور جاگرے اور چہرہ بھی جھلس چکا ہے۔
نوجوان کو اس کے رشتہ دار زخمی حالت میں اسپتال لے کر آئے جنہوں نے بتایا کہ رفیع اللہ کمرے کے اندر دھماکا ہونے سے زخمی ہوا۔
ایس ایس پی آپریشنز نے میڈیا کو بتایا کہ ابتدائی تحقیقات میں معلوم ہوا ہے کہ زخمی نوجوان کا تعلق افغانستان سے ہے، دھماکے کی نوعیت کے تحقیقات جاری ہیں۔
