پشاور: خیبر پختون خوا کے شہر پشاور میں ہائی کورٹ کے جج کو وی آئی پی موومنٹ کے باعث اپنی گاڑی اور اسکواڈ دونوں کو سڑک پر چھوڑ کر جانا پڑ گیا۔
تفصیلات کے مطابق پاکستان میں سڑکوں پر آئے دن کی وی آئی پی موومنٹ کے باعث نہ صرف عوام کو شدید اذیت کا سامنا کرنا پڑتا ہے بلکہ بعض اوقات خصوصی افراد بھی اس تکلیف دہ صورت حال سے متاثر ہو جاتے ہیں۔
ایسا ہی آج صبح پشاور میں اس وقت ہوا جب ہائیکورٹ کے جج کو گاڑی اور اسکواڈ سڑک کے بیچ چھوڑ کر پیدل ہائیکورٹ پہنچنا پڑا، جسٹس پشاور ہائی کورٹ نے وی آئی پی مومنٹ کے لیے روڈ کی بندش پر سخت برہمی کا اظہار کیا۔
پولیس حکام نے مؤقف دیتے ہوئے کہا کہ سیکیورٹی موومنٹ کے باعث ٹریفک کو روکا گیا تھا، تاہم اس کے بعد پولیس نے ٹریفک کلیئر کرا دیا ہے۔
