پشاور ہائیکورٹ نے زرتاج گل کی حفاظتی منظور کرتے ہوئے پولیس کو گرفتاری سے روک دیا۔
اے آر وائی نیوز کے مطابق پشاور ہائیکورٹ نے پولیس سمیت قانون نافذ کرنے والے اداروں کو زرتاج گل کو گرفتار کرنے سے روک دیا اور ضمانتی مچلکے کل جمع کروانے کا حکم دیا۔
چیف جسٹس محمد ابراہیم نے دوران سماعت کا کہ یہ ہماری روایت نہیں کہ کسی خاتون کو گرفتار کریں، ایک خاتون کے لیے اتنی زیادہ پولیس نفری تعینات کی گئی۔
پشاور ہائیکورٹ نے زرتاج گل کی حفاظتی ضمانت منظور کرلی#ARYNews pic.twitter.com/0CpL5LnKrT
— ARY NEWS (@ARYNEWSOFFICIAL) January 3, 2024
انہوں نے کہا کہ ایڈووکیٹ جنرل مسئلے کا حل نہیں نکال سکتے تو ہم دونوں کو مستعفی ہونا چاہیے۔
چیف جسٹس نے کہا کہ زرتاج گل نے کے پی پولیس پر حملہ نہیں کیا کہ اتنی نفری تعینات کی، جو ملزم عدالت آنا چاہتا ہے ان کو ہراساں نہ کیا جائے۔
جسٹس ابراہیم خان نے کہا کہ ہائیکورٹ میں کیا کچھ ہورہا تھا مجھے اسلام آباد سے آنا پڑا اگر میں نہ پہنچتا تو کیا یہ خاتون ساری رات ہائیکورٹ میں گزارتی۔
انہوں نے کہا کہ کسی کو انصاف نہیں دے سکتا تو مجھے استعفیٰ دینا چاہیے۔
