پشاور میں اسلامیہ کالج کے ساتویں سمسٹر کے طالب علم نے مبینہ طور پر خودکشی کرلی۔
اے آر وائی نیوز کے مطابق پشاور اسلامیہ کالج میں ساتویں سمسٹر کے طالب علم ضیا الدین کی لاش اسپتال میں پنکھے کے ساتھ لٹکی ہوئی برآمد ہوئی۔
مبینہ طور پر خودکشی کرنے والے طالب علم نے والد کے نام خط بھی لکھا۔
ضیا الدین کے ساتھیوں کا کہنا ہے کہ گزشتہ نیو ایئر نائٹٓ پر کھانا پکایا اور خوب گپ شپ لگائی مگر معلوم نہیں تھا کہ اگلے دن ان کا دوست بچھڑ جائے گا۔
طالب علم نے والد کے نام پشتو میں لکھے گئے خط میں کہا کہ ’وہ ایسی کیفیت میں ہے کہ بیان نہیں کرسکتا اور مزید ایسے معاشرے میں زندگی نہیں گزار سکتا، نہیں پتہ یہ اقدام اٹھا رہا ہوں۔
پولیس نے واقعے کے بعد ضیا الدین کے دوستوں کے بیانات قلمبند کردلیے، ہوسٹل میں متوفی کے سامان کی چھان بین سمیت کرائم سین اور انویسٹی گیشن ٹیموں نے تفتیش کا آغاز کردیا ہے۔
