پشاور: پشاور پولیس نے عمران خان کی گرفتاری کے بعد پرتشدد واقعات کے تناظر میں اسپیشل سیکیورٹی یونٹ بنانے کا فیصلہ کیا ہے۔
تفصیلات کے مطابق پشاور پولیس نے شہر میں ریڈ زون سیکیورٹی سرکل بنانے کا فیصلہ کر لیا ہے، سی سی پی او کا کہنا ہے کہ ریڈ زون ایریا میں اسپیشل سیکیورٹی یونٹ کے دستے تعینات کیے جائیں گے۔
سی سی پی او کے مطابق پشاور اسپیشل سیکیورٹی دستے کا انچارج ایس پی رینک کا آفیسر ہوگا، پہلے مرحلے میں ریڈ زون کے داخلی راستوں اور اہم عمارتوں کی پروفائلنگ مکمل کی جائے گی۔
پولیس حکام نے کہا ہے کہ پروفائلنگ مکمل ہونے کے بعد ڈرافٹ سینٹرل پولیس آفس ارسال کر دیا جائے گا، اسپیشل یونٹ کے پاس جدید ساز و سامان اور آپریشن روم سے منسلک ہوگا۔
