The news is by your side.

Advertisement

پشاور: شہری پر تشدد کرنے والے تین پولیس اہلکار گرفتار

پشاور: صوبہ خیبرپختونخوا کے دارالحکومت پشاور میں شہری پر تشدد کرنے کے الزام میں ایس ایچ او کو معطل جبکہ 3 اہلکاروں کو گرفتار کر لیا گیا۔

تفصیلات کے مطابق پشاور میں پولیس لاک اپ میں شہری پر تشدد کرنے کی ویڈیو سوشل میڈیا پر وائرل ہوگئی، واقعے کے خلاف ایس ایچ او کو معطل اور 3 اہلکاروں کو گرفتار کر لیا گیا۔

خیبر پختونخواہ کے مشیر اطلاعات اجمل وزیر کا کہنا ہے کہ واقعے سے متعلق انکوائری کمیٹی بنادی گئی،اے آئی جی کمیٹی کے چیئرمین ہوں گے، کمیٹی میں ڈی آئی جی اور سی سی پی او کو بھی شامل کیا گیا ہے۔

اجمل وزیر کا کہنا تھا کہ سزا وجزا کا قانون سب کے لیے برابر ہے،قانون سے کوئی بالاتر نہیں،واقعے میں ملوث اہلکاروں کے خلاف ایف آئی آر درج کر دی گئی۔

مشیر اطلاعات خیبرپختونخوا نے کہا کہ وزیراعلیٰ خیبرپختونخوا محمودخان خود اس کیس کو دیکھ رہے ہیں، حکومت اس قسم کے واقعات کسی صورت برداشت نہیں کرے گی۔انہوں نے بتایا کہ انکوائری میں ایس ایس پی تک کے افسر سے تفتیش ہوگی۔

Comments

یہ بھی پڑھیں