شارجہ : پشاورزلمی نے کوئٹہ گلیڈیٹرزکو آٹھ وکٹ سے شکست دے دی۔ آفریدی کی پشاورزلمی پوائنٹس ٹیبل پرپھرسرفہرست ہوگئی۔
تفصیلات کے مطابق پی ایس ایل کے سترھواں میچ میں شاہدآفریدی کی پشاورزلمی نے کوئٹہ گلیڈیٹرزسے پہلی پوزیشن چھین لی۔
آفریدی کاٹاس جیت کر فیلڈنگ کافیصلہ درست ثابت ہوا۔ احمد شہزاد اوراسدشفیق کی جوڑی نےچالیس رنزکاطوفانی آغازفراہم کیا۔
احمدشہزاد کے آؤٹ ہوتے بلےبازوں کی لائن لگ گئی۔ بوم بوم کی جادوئی گیندوں نے بیٹسمینوں کے ہوش اڑادیئے۔ آفریدی نے صرف سات رنزدے کرپانچ کھلاڑیوں کو آؤٹ کیا۔
گرانٹ ایلیٹ اورذوالفقاربابر نے ترسٹھ رنزجوڑکردسویں وکٹ کاریکارڈ قائم کیا۔ ایک سو تئیس رنزکے تعاقب میں پروفیسراورڈیوڈ ملان نے بولرزپرخوب ہاتھ صاف کیے۔
حفیظ چھتیس رنزبناکرآؤٹ ہوئے۔ ڈیوڈملان کی نصف سنچری کی بدولت پشاورزلمی نے ہدف دو وکٹ پرپوراکرکے پی ایس ایل میں پانچویں کامیابی حاصل کی۔
