بیجنگ: چین میں خاتون نے پُل میں چھلانگ لگاکرخودکشی کرلی جس کے بعد اس کا پالتو کتا 4 دن تک اپنی مالکن کی واپسی کا انتظار کرتا رہا۔
بھارتی میڈیا رپورٹ کے مطابق یہ واقعہ چین کے ووہان کے یانگزے میں پیش آیا ہے، جہاں ایک خاتون نے پل میں چھلانگ لگا کر خودکشی کرلی ہے لیکن ساتھ آنے والا وفادار کتا اپنے مالک کے انتظار میں چار دن تک پل پر بیٹھا رہا۔
دل دہلا دینے والی تصاویر میں ووہان کے یانگزے پل کے فرش پر بیٹھے وفادار پالتو جانور کو دیکھا جاسکتا ہے جس کے بعد پولیس نے تحقیقات شروع کی۔
مقامی پولیس کے مطابق ایک خاتون کی لاش ملی ہے لیکن اس کی شناخت نہیں ہوسکی ہے جبکہ خاتون کے ساتھ آنے والا پالتو کتا دریا کے پاس خاتون کے جوتوں کے پاس گھنٹوں انتظار کرتا رہا۔
یہ منظر وہاں سے گذرنے والوں نے سل فونس کے کیمروں کے ذریعہ کتے کے انتظار کے پل کو محفوظ کرلیا اور یہ ویڈیوز دیکھتے ہی دیکھتے سوشیل میڈیا پر وائرل ہوگئی۔
