کراچی : محمود آباد کے رہائشیوں نے گھر گرانے کیخلاف درخواست دائر کردی اور استدعا کی کہ اینٹی انکروچمنٹ سیل ودیگراداروں کو گھر مسمارکرنے سےروکا جائے اور گھروں کے معائنے کیلئے ناظرمقرر کرے۔
تفصیلات کے مطابق سندھ ہائی کورٹ میں محمود آباد میں تجاوزات آپریشن کیخلاف درخواست دائر کردی گئی، درخواست محمود آباد کے رہائشیوں نے گھر گرانے کیخلاف دائر کی۔
علاقہ مکین نے کہا ہے کہ متعلقہ حکام سپریم کورٹ فیصلے کی غلط تشریح کر رہے ہیں، برسوں سے لیز شدہ گھروں کو بھی گرایا جا رہا ہے ، ہمارے گھر لے آؤٹ پلان کاباقاعدہ حصہ ہیں۔
درخواست میں کہا گیا کہ اینٹی انکروچمنٹ سیل ودیگراداروں کوگھرمسمارکرنے سےروکا جائے، سندھ ہائی کورٹ گھروں کے معائنے کیلئے ناظر مقرر کرے۔
دائر درخواست میں چیئرمین این ڈی ایم اے، چیف سیکرٹری ، کے ایم سی، میونسپل کمشنر، کمشنر کراچی کو فریق بنایا گیا ہے۔
خیال رہے کراچی کے علاقے محمود آباد میں تجاوزات کے خلاف آپریشن تیسرے روز بھی جاری ہے، آپریشن کے پہلے مرحلے میں سو فٹ تک تجاوزات ہٹائی جارہی ہے، دوسری مرحلےمیں اگلے جمعے سے گھروں کو گرانا شروع کیا جائے گا۔
