اسلام آباد : جسٹس قاضی فائز عیسیٰ کے خلاف دائر ریفرنس کی جلد سماعت کے لیے درخواست دائر کردی گئی۔
تفصیلات کے مطابق جسٹس قاضی فائز عیسیٰ کےخلاف دائر ریفرنس کی جلد سماعت کے لیے متفرق درخواست دائر کردی گئی۔
سپریم جوڈیشل کونسل میں درخواست وحید شہزاد بٹ نامی شہری نے دائر کی ، جس میں کہا گیا کہ جسٹس قاضی فائز عیسیٰ نے آج تک اپنی منی ٹریل نہیں دی اور اپنے اثاثے آج تک ظاہر نہیں کئے۔
درخواست میں کہا ہے کہ جسٹس قاضی فائز عیسیٰ کی اہلیہ نے ساڑھے 13کروڑ کی جائیدادیں خریدیں ، سرینا عیسیٰ ان جائیدادوں کی منی ٹریل نہیں دےسکیں۔
درخواست گزار میں کہنا تھا کہ انکم ٹیکس نے ان جائیدادوں پر ساڑھے 3کروڑ کےٹیکسز عائد کئے، سپریم جوڈیشل کونسل کو 2019 میں ریفرنس بھجوایا۔
دائر درخواست میں کہا گیا کہ معاملہ حساس اور قومی نوعیت کا ہے، سپریم جوڈیشل کونسل سے استدعا ہے ریفرنس کی جلد سماعت کی جائے۔
