اسلام آباد : آفیشل سیکرٹ ایکٹ اور آرمی ایکٹ ترمیمی بل معاملےکی تحقیقات کیلئے سپریم کورٹ میں درخواست دائر کردی گئی۔
تفصیلات کے مطابق آفیشل سیکریٹ ایکٹ اور آرمی ایکٹ ترمیمی بل پردستخط نہ کرنےکامعاملہ سپریم کورٹ پہنچ گیا، آفیشل سیکرٹ ایکٹ اور آرمی ایکٹ ترمیمی بل معاملےکی تحقیقات کیلئے سپریم کورٹ میں درخواست دائر کردی گئی۔
ایڈووکیٹ ذوالفقار بھٹہ کی جانب سے دائر درخواست میں وفاقی حکومت کو فریق بنایا گیا ہے، درخواست میں مؤقف اختیار کیا گیا ہے کہ صدر مملکت کے بیان کے بعد قانون سازی پر سوالات اٹھ رہے ہیں ، آفیشل سیکرٹ اور آرمی ترمیمی ایکٹ سے براہ راست عوام کے حقوق وابستہ ہیں۔
درخواست میں استدعا کی گئی کہ معاملے کی تحقیقات کیلئےحکومت کو 10 دن میں سپریم کورٹ سے رجوع کرنے کا حکم دیا جائے اور درخواست کے زیر التوا ہونے تک آفیشل سیکرٹ ،آرمی ایکٹ پر عملدرآمد روکا جائے۔
