لاہور : لاہور ہائی کورٹ میں مسلم لیگ ن کے قائد نواز شریف کے بیانات میڈیا پر نشر کرنے سے روکنے کیلئے درخواست دائر کردی گئی۔
تفصیلات کے مطابق مسلم لیگ ن کے قائد نواز شریف کے بیانات میڈیا پر نشر کرنے سے روکنے کیلئے درخواست دائر کردی گئی۔
لاہور ہائی کورٹ میں درخواست اظہر صدیق ایڈووکیٹ کی جانب سے دائر کی گئی، جس میں مؤقف اختیار کیا کہ نواز شریف سزا یافتہ اور عدالتی اشتہاری ہیں۔
درخواست گزار نے کہا کہ پیمرا 2020میں نواز شریف کی تقاریر نشر کرنے پر پابندی عائدکر چکا ہے اور پابندی کے باوجود میڈیا پر نواز شریف کے بیانات نشر ہو رہے ہیں۔
درخواست میں کہا گیا پیمرا اس معاملے پر کوئی ایکشن نہیں لے رہا، استدعا ہے عدالت نواز شریف کی تقاریر پر پابندی کے فیصلے پر عمل درآمد اور نواز شریف کی تقاریر نشر ہونے سے روکنے کا حکم دے۔
